Cydnabod troseddau casineb
Trosedd casineb yw unrhyw ddigwyddiad sy'n achosi braw neu ofid i berson, ac sy'n cael ei weld gan y dioddefwr, neu unrhyw berson arall, i gael ei ysgogi gan elyniaeth neu ragfarn yn seiliedig ar:
- hil neu hil dybiedig
- crefydd neu grefydd dybiedig
- cyfeiriadedd rhywiol neu gyfeiriadedd rhywiol tybiedig
- anabledd neu anabledd tybiedig
- hunaniaeth drawsryweddol neu hunaniaeth drawsryweddol dybiedig
Gall trosedd neu ddigwyddiad casineb gynnwys:
- cam-drin geiriol, ymddygiad bygythiol, bygythiadau, aflonyddu, ymosod a bwlio.
- galwadau ffug, negeseuon ffôn neu negeseuon testun difrïol, post casineb
- aflonyddu neu gam-drin ar-lein drwy'r cyfryngau cymdeithasol, apiau detio neu ebost
- cam-drin ysgrifenedig, fel graffiti, dangos neu rannu llenyddiaeth neu bosteri gwahaniaethol.
- ymosodiadau corfforol fel taro, dyrnu, gwthio, poeri
- difrod i eiddo fel graffiti, llosgi bwriadol
- negeseuon sy’n galw am drais yn erbyn unigolyn neu grŵp penodol
- micro-ymosodeddau (rhyngweithiadau byr, bob dydd sy'n anfon negeseuon difrïol am rai grwpiau di-oed mewn cymdeithas)
- person sy'n gwneud cwynion maleisus amdanoch chi, er enghraifft i'ch darparwr tai, cyngor lleol, yr heddlu, neu fan astudio neu waith.
Ymddygiadau a safonau
Mae'r Brifysgol yn disgwyl i bob aelod o gymuned y Brifysgol drin ei gilydd â pharch, cwrteisi ac ystyriaeth bob amser. Os ydych wedi profi ymddygiad annerbyniol ac yn rhoi gwybod i ni am hyn, gallwn helpu i fynd i'r afael â hyn a chymryd y camau gweithredu mwyaf priodol (gyda'ch caniatâd a'ch cytundeb).
Gellir gweld y wybodaeth hon hefyd ar Fewnrwyd Myfyrwyr Prifysgol Caerdydd