Cyngor neu gefnogaeth brys

Os ydych chi neu rywun arall angen cymorth brys neu y tu allan i oriau, dyma bwy i gysylltu.

Mewn argyfwng

Os yw'r sefyllfa'n cynnwys:

  • perygl ar fin digwydd
  • bwriad hunanladdol
  • meddu ar arf
  • bygythiadau o niwed
  • anaf corfforol
  • marwolaeth myfyriwr
  • terfysgaeth.

Ffoniwch 999 ac i roi gwybod i'r Tîm Ddiogelwch, galwch +44 (0)2087 4444.

Gwneud galwad dawel i 999

Os oes angen cymorth brys arnoch ond nad ydych yn gallu siarad, arhoswch yn dawel pan fyddwch yn ffonio 999. Byddwch yn clywed neges wedi'i recordio a bydd angen i chi wasgu 55 i gadarnhau bod angen help arnoch. Darllenwch fwy am sut mae'r gwasanaeth hwn yn gweithio yma:

Sut i wneud galwad dawel i 999 (Police.uk)

Sylw Meddygol

Os ydych yn teimlo eich bod mewn perygl uniongyrchol o niweidio eich hun, dylech:

  • gysylltu â'ch meddygfa (GP) neu'r gwasanaeth y tu allan i oriau a gofyn am apwyntiad brys;
  • mynd yn syth i'ch Adran Damweiniau ac Achosion Brys (A&E) agosaf; neu
  • ffonio'r Gwasanaethau Brys ar 999.

Sut i gael mynediad at gymorth iechyd meddwl brys

Os oes angen cymorth iechyd meddwl arnoch ond nad ydych yn siŵr a yw'n argyfwng, mae'r GIG yng Nghymru yn cynnig cymorth 24 awr y dydd, 7 diwrnod yr wythnos. Ffoniwch 111 a dewis opsiwn 2, neu ewch i GIG 111 Cymru

Bydd y person sy'n ateb eich galwad yn asesu pa wasanaeth sydd ei angen arnoch. Os ydych yn gymwys i gael eich gweld mewn Uned Argyfwng, byddwch yn cael amser apwyntiad i fynychu a byddwch yn derbyn galwad atgoffa tua hanner awr cyn eich apwyntiad.

Mae'r alwad hon yn helpu i sicrhau eich bod yn cael mynediad at y gwasanaeth cywir ar yr adeg gywir. Os byddwch yn mynychu'r Uned Argyfwng heb apwyntiad, byddwch yn cael asesiad cychwynnol a, lle bo'n briodol, yn cael amser apwyntiad os ydych yn gymwys.

Os nad oes angen sylw meddygol brys arnoch

Argymhellir eich bod yn gweld eich meddyg teulu (GP) ar gyfer archwiliad meddygol ac asesiad iechyd. Hyd yn oed os nad ydych yn credu bod eich anafiadau yn ddifrifol, mae'n bwysig nodi y gall sioc ac adrenalin yn dilyn profiad trawmatig guddio difrifoldeb anafiadau corfforol.

Bydd unrhyw wybodaeth a ddatgelwch i weithiwr iechyd proffesiynol yn cael ei thrin yn gyfrinachol, oni bai y credir eich bod mewn perygl o niwed difrifol pellach.

Os nad ydych yn siŵr a oes angen apwyntiad meddygol arnoch, gallwch geisio cyngor meddygol drwy:

I gael cyngor a chymorth mwy penodol ynghylch trais a cham-drin, gallwch gysylltu â llinell gymorth Byw Heb Ofn, sydd ar gael 24 awr y dydd, 7 diwrnod yr wythnos, drwy:

Cadw cofnod o ddigwyddiad

Os ydych wedi cael eich ymosod ac yn dymuno rhoi gwybod i'r heddlu, neu os ydych yn meddwl y gallech benderfynu gwneud hynny yn nes ymlaen, byddai'n ddefnyddiol cadw cofnod o'r digwyddiad. Mae'n gwbl normal ei bod yn anodd cofio manylion ymosodiad a threfn y digwyddiadau ar ôl peth amser.

Os gallwch, ceisiwch gofnodi'r wybodaeth ganlynol:

  • beth ddigwyddodd, ac ym mha drefn
  • ble y digwyddodd y digwyddiad
  • beth ddywedodd y person oedd yn gyfrifol wrthych, a manylion am ei ymddangosiad
  • os oedd cerbyd yn gysylltiedig â'r digwyddiad, cymaint o fanylion ag y gallwch eu cofio amdano
  • a oedd unrhyw un arall yn bresennol a allai fod wedi gweld neu glywed rhywbeth

Eich diogelwch ar y campws

Os ydych yn teimlo'n anniogel ar y campws, ffoniwch Dîm Diogelwch Prifysgol Caerdydd ar +44 (0)29 2087 4444. Mae'r Ystafell Reoli Diogelwch ar agor 24 awr y dydd, 7 diwrnod yr wythnos.

Gallwch hefyd fynd i'ch adeilad Prifysgol agosaf a gofyn i aelod o staff gysylltu â'r Ystafell Reoli Diogelwch ar eich rhan.

Mae ap SafeZone yn ffordd gyflym a hawdd o roi gwybod i'n Tîm Diogelwch os oes angen help neu gymorth arnoch tra byddwch ar y campws. Os ydych oddi ar y campws, bydd yr ap yn hysbysu'r gwasanaethau brys perthnasol bod angen cymorth arnoch.

Gweler y cyfarwyddiadau ar sut i osod ap SafeZone - how to install the SafeZone app

Peidiwch â rhoi eich hun mewn perygl

Os byddwch yn dyst i ymosodiad, gweithred o drais, neu ymddygiad treisgar neu fygythiol, peidiwch ag ymyrryd os nad yw'n ddiogel gwneud hynny.

Llinell Gymorth Byw Heb Ofn

Mae Llinell Gymorth Byw Heb Ofn, a ddarperir gan Gymorth i Fenywod Cymru, yn wasanaeth cenedlaethol cyfrinachol a rhadffôn sy'n cynnig cymorth a gwybodaeth i unrhyw un sy'n profi trais rhywiol, cam-drin domestig neu fathau eraill o drais yn erbyn menywod, neu i unrhyw un sydd am gael rhagor o wybodaeth am y gwasanaethau cymorth sydd ar gael.

Mae'r gwasanaeth ar agor 24 awr y dydd, 365 diwrnod y flwyddyn.

Ffoniwch: 0808 8010 800

Sut i godi pryder difrifol nad yw'n argyfwng

Os oes gennych bryderon difrifol am eich diogelwch eich hun neu ddiogelwch myfyriwr arall, ond nad yw'n argyfwng, gallai fod yn briodol cysylltu â Thîm Cymorth ac Ymyrraeth i Fyfyrwyr (SSIT) y Brifysgol.

Gallwch wneud hyn naill ai drwy roi gwybod i ni gyda'ch manylion neu'n ddienw drwy'r wefan hon.

Mae rhagor o wybodaeth am y Tîm Cymorth ac Ymyrraeth i Fyfyrwyr (SSIT) ar gael yma.

Nôl

Mae dwy ffordd y gallwch ddweud wrthym beth ddigwyddodd

Dywedwch wrthym gyda manylion neu Dywedwch wrthym yn ddienw