Sut i godi pryder difrifol nad yw'n argyfwng
Os oes gennych bryderon difrifol am eich diogelwch eich hun neu ddiogelwch myfyriwr arall, ond nad yw'n argyfwng, efallai y bydd yn briodol cysylltu â Thîm Cymorth ac Ymyrraeth i Fyfyrwyr (SSIT) y Brifysgol - Tîm Ymyrraeth Cefnogi Myfyrwyr - Mewnrwyd myfyrwyr - Prifysgol Caerdydd
Mae'r SSIT yn dîm o ymarferwyr arbenigol sydd â phrofiad o ddarparu cymorth mewn achosion o drais a chamdriniaeth, yn ogystal ag ymyrraeth ar gyfer cymorth iechyd meddwl brys.
Mae'r SSIT yn wasanaeth sy'n gweithredu drwy apwyntiadau ac mae ar agor o ddydd Llun i ddydd Gwener, rhwng 09:00 a 16:00.
Mae'r SSIT yn rhan o Wasanaeth Iechyd a Lles Myfyrwyr y Brifysgol:
Iechyd a llesiant - Mewnrwyd myfyrwyr - Prifysgol Caerdydd
Rydym yma i'ch helpu os ydych chi, neu rywun rydych yn ei adnabod, yn profi argyfwng iechyd meddwl brys.
Gallwch wneud atgyfeiriad os byddwch yn sylwi ar:
- newidiadau sydyn mewn ymddygiad sy'n gysylltiedig â llesiant;
- risg i'r unigolyn ei hun (er enghraifft hunan-niweidio, patrymau bwyta anhrefnus neu gamddefnyddio sylweddau);
- meddyliau, cynlluniau neu fwriad i gyflawni hunanladdiad;
- arwyddion o baranoia neu seicosis.
Os ydych yn pryderu amdanoch eich hun neu am rywun arall, cyflwynwch adroddiad drwy Adrodd a Chymorth:
https://reportandsupport.cardiff.ac.uk.
Gallwn eich cefnogi drwy:
- gynnig apwyntiadau un-i-un wyneb yn wyneb neu ar-lein;
- darparu cymorth cyfrinachol a di-farn;
- llunio cynllun gweithredu sy'n eich cysylltu â'r cymorth mwyaf priodol.
Gallwch ddewis rhoi gwybod yn ddienw. Ni fyddwn yn datgelu ffynhonnell y pryder, ond dylech fod yn ymwybodol y gall y myfyriwr ddyfalu pwy gyflwynodd yr adroddiad.
Sut i gael cymorth pan nad yw'n argyfwng
Mae Gwasanaeth Iechyd a Lles Myfyrwyr ar agor o ddydd Llun i ddydd Gwener rhwng 09:00 a 16:30, ac eithrio ar wyliau banc - Apwyntiadau cwnsela a lles - Mewnrwyd myfyrwyr - Prifysgol Caerdydd
Gallwch gael cymorth gan y Gwasanaeth Iechyd a Lles Myfyrwyr os yw'r sefyllfa'n ymwneud â:
- gofid emosiynol;
- straen a gorbryder;
- iselder;
- unigrwydd;
- iechyd meddwl.